Од засега непознати причини глисер во кој имало повеќе лица се запалил во водите на Охридското Езеро во близина на Градиште, на околу стотина метри од брегот. Како што објави Охридњуз, инцидентот се случил вчера попладне помеѓу 17:30 и 18:30 часот.
Случајот го потврдл портпаролот на СВР Охрид Стефан Димоски. Тој истакнал дека на местото на настанот веднаш се упатила екипа на Езерската полиција и пожарникари, но во меѓувреме пожарот бил изгаснат со помош на друг пловен објект, така што немало потреба од дополнителна интервенција.
