Убедлива игра на „црно-белите“ на свој терен во СЦ „Кале“, и победа (76:65) за водство од (2-1) во четвртфиналето
Кошаркарите на ТФТ Моцарт беа далеку подобар ривал на третиот меч од серијата. Од самиот старт наметнаа свој стил на игра кој им донесе резултат. По десет минути игра, домашната екипа поведе со (26:18). Само на секвенци гостите од Чаир играа согласно со нивните желби. Но овојпат имаа проблеми со реализацијата. Особено во шутот за три поени.
Во еден момент од натпреварот, на пример, имаа неверојатни (1/15) во обидите вредни за три поени, што дефинитивно им ја олесни задачата на ривалите.
