Ретко се случувало во изминатите десетина години Новак Ѓоковиќ да загуби во официјален натпревар од послаб тенисер тенисер кој не е во топ100.
Но ете, се случи и тоа, италијанскиот тенисер Лука Нарди приреди сензација во 3. коло од Индијан Велс и на еден начин покажа дека Новак Ѓоковиќ во иднина се почесто ќе биде во вакви ситуации.
Како што рече и самиот Новак Ѓоковиќ на пресконференцијата по натпреварот, ретко кога бил во таква ситуација, да нема трофеј во март, како што се појавуваат нови имиња во „белиот спорт“, доминацијата на српскиот шампион ќе биде се побледа.
Свесен е и самиот Ѓоковиќ дека се ближи и неговиот професионален крај во тенисот, каков што е случајот со Рафаел Надал, па на заминување од пресконференцијата, за новинар од британски Телеграф, искоментира дека „доаѓаат се почесто вакви денови!“.
Кога е во прашање Гренд слем турнир, најслабо рангиран тенисер кој го добил Новак Ѓоковиќ е Денис Истомин од Узбекистан, кој во 2017-та како 117-ти на ранг листата го победи големиот шампион.
Претходно во конкуренција на повеќе турнири, рекордот го држеше Кевин Андерсон, кој во 2008 година го доби Ѓоковиќ во Мајами, како 122-то рангиран на АТП листата.
