ПОЧЕТНА МАКЕДОНИЈА Голема ТРАГЕДИЈА ја потресе Македонија: Почина новороденче од Прилеп на Детската клиника...

Голема ТРАГЕДИЈА ја потресе Македонија: Почина новороденче од Прилеп на Детската клиника во Скопје

53

Директорката на детската клиника во скопје Стојка Нацева Фуштиќ во изјава за МИА го потврдува случајот на починато новороденче за кое јавуваат неколку медиуми. Детето е родено во Прилеп но поради наводи кои и биле кажани на мајката дека поради жолтица и подобрите апарати ќе било пратено на Детската клиника во Скопје.

Директорката на Детската клиника Стојка Нацева Фуштиќ за МИА изјави дека новороденчето било згрижено на Единицата за интензивна терапија, првично со неинвазивна поддршка на респирацијата, а потоа поставено на механичка вентилација.

„Детето е поставено на двојна антибиотска терапија, соодветна поддршка, односно корекција на нарушувањата, меѓутоа она што откажува и бубрежната функција, седмиот ден завршува лошо. Според клиничките и биохемиските параметри, се работи за рана неонатална сепса, што се појавува првите четири дена и, најчесто, инфекцијата настанува при самото раѓање. Дали е предвремено прснат воденик, дали е од родилните патишта, тука може да се шпекулира … немаме такви податоци. Меѓутоа, кога е донесено на Клиниката, веќе има јасни клинички биохемиски знаци за рана неонатална сепса“, изјавила за МИА директорката на Детската клиника Фуштиќ.

Мајката на детето за случајот објави на социјалните мрежи во детали за агонијата која ја поминувала тие денови. Ова е уште еден доказ како функционира македонското здравство. Ужас е преблаг збор да се опише моменталната состојба, напишала мајката. Таа за леталниот епилог на својата трета рожба за виновни ги посочи докторите од прилепската болница, негрижата и ниското ниво на хигиена во родилиштето. Мајката се породила на 27 октомври и како што пишува на социјалните мрежи родила здраво машко бебе со тежина од 2 килограми и 700 грама со АПГАР 10.

Повеќе за овој случај, се очекува во наредните денови.

ПретходнаПрофесорка од САД имала секс со 14-годишен ученик повеќе од 20 пати: Уапсена е, се стравува дека има повеќе жртви во училиштето
СледнаЕВН остави без струја цела кочанска населба – жителите гневни: До кога ние ќе страдаме на сметка на дивоприклучените ајдуци