Утревечер Македонија го стартува настапот на Светското првенство, а противник ќе ни биде селекцијата на Унгарија.
Ракометарот Марко Митев пред натпреварот истакна дека сите во репрезентацијата се максимално мотивирани и ќе дадат се од себе за на најдобар начин да ја претстават Македонија.
„Долго време се подготвувавме и го анализиравме противникот, Унгарија е фаворит во нашата група и тоа јасно го покажуват резултатите. Можеби сме аутсајдери во натпреварот, но наша цел е да излеземе на теренот и да се надигруваме. Сите во тимот ќе го дадат максимот и ќе го оставиме срцето на теренот за Македонија“, изјави Митев.
Македонија натпреварот против Унгарија го игра утре во терминот од 20:30 часот, а потоа следат натпревари против Холандија на 17 јануари и против Гвинеја два дена подоцна.
