Македонскиот тенисер Калин Ивановски беше поразен од Дино Прижмиќ на стартот на челинџер-турнирот во Нотингем со 0-2 во сетови, односно 3-6 и 6-7.
Петтиот носител на турнирот добро го отвори мечот и славеше со 6-3 во првиот сет, додека во вториот сет се водеше голема борба меѓу тенисерите.
Ивановски во седмиот гем спаси брејк-топка, а потоа не искористи три брејки-топки на противнички сервис, по што во тај-брејк Хрватот славеше со 7-3.
