Измамници се претставуваат како да се од Македонски пошти и испраќаат „СМС“ пораки со цел да измамат граѓани и извлечат финансиски средства.
Во овој фишинг напад, пораките содржат линкови кои водат до лажна веб-страница. На страницата, жртвите се наведуваат да внесат лични податоци и податоци од платежни картички.
Веб-страницата е несофистицирана, без проверка на внесените податоци, и е регистрирана неодамна, што укажува на брзината со која измамниците дејствуваат.
Овој напад е насочен исклучиво кон македонски корисници, бидејќи страницата ги препознава и дозволува пристап само за IP адреси од Македонија.
-Апелираме до граѓаните да бидат внимателни и да не внесуваат лични податоци на непознати линкови. Ова е уште еден пример на обиди за измама, со цел да се нанесат финансиски загуби на невнимателните, велат од Македонски пошти.
