Американскиот рапер Рич Хоми Куан, чие вистинско име е Деквантес Ламар, почина на 34-годишна возраст, пренесува „Пејџ сикс“.
Меморијалната болница Грејди во четвртокот го известила судскиот вештак од округот Фултон дека раперот починал, а причината сè уште не е позната. За денеска е закажана обдукција.
Според „Ти-ем-зи“, раперот починал во својот дом во Атланта, а неговото семејство е „скршено“ поради неговата ненадејна смрт.
Од раперот се простија бројни колеги.
„Брат, неодамна разговаравме. Никогаш нема да ја заборавам твојата насмевка, начинот на кој зборуваше и твојата музика“, напиша раперот Буси БадАз, кој ја навести причината за смртта на Рич, но сè уште не е потврдено.
Наводно, Куан се борел со зависност и во минатото неколку пати се наоѓал во неволји поради дрога. Во 2017 година, тој беше осуден за поседување дрога со намера да дистрибуира, но во 2019 година, тужбата беше отфрлена поради недостаток на докази.
Рич Хоми Куан е роден во октомври 1989 година во Атланта. Во неговите помлади години, тој сонувал да стане професионален бејзбол играч, па дури и добил стипендија за државата Форт Вали поради неговата способност. Сепак, школарината му била превисока, па се откажал од факултетот две недели подоцна. Потоа се вработил на аеродром, но останал без работа. Обидувајќи се да преживее, почнал да врши кражби и завршил во затвор.
По излегувањето од затвор почна да се занимава со музика, а најпознат е по хитовите „Type Of Way“ и „Flex“, со кои заврши на топ-листите на „Билборд“.
