Законот со кој Македонија се задолжува кај Унгарија за сума од 500 милиони евра вчера бил усвоен на владина седница, потврди денеска премиерот Христијан Мицкоски, кој додаде дека очекува за краток период парите да бидат достапни.
– Поминаа на вчерашната седница 500-те милиони евра. Тие многу скоро ќе се најдат пред пратениците во парламентот и очекувам до крајот на месецот да се заокружи тој процес, рече денеска Мицкоски како одговор на новинарско прашање.
Овие 500 милиони евра кои ќе се враќаат по каматна стапка од 3 отсто и грејс период од 3 години ќе се поделат на 250 милиони евра за проекти на општините и 250 милиони евра за кредитирање на бизнисот.
