Најавуваното разладување пристигна во повеќе делови од Македонија.
Повеќе региони во Македонија се соочуваат со интензивни врнежи, грмежи и град, како резултат на нестабилната атмосфера. Метеоролозите предупредуваат дека невремето ќе продолжи и во следните часови.
Најзафатени региони се Македонска Каменица, Делчево и Пехчево. Во овој дел има пороен дожд, грмежи и суградица.
„Територијата северозападно од Пехчево и Берово исто така е зафатена со нестабилна облачна маса проследена со пороен дожд, грмежи и наместа појава на град.
Нестабилна облачна маса проследена со пороен дожд , грмежи и појава на град има и југоисточно од Прилеп во планинските предели, но и северно од Кочани и измеѓу Штип и Радовиш.
Невремето не го одмина ниту Кочани каде имаше пороен дожд и грмежи.
Југозападно од Демир Хисар и северозападно од Струга исто така имаме нестабилност со појава на грмежи и дожд“, соопшти УХМР.
