Шеесет и седумгодишен маж од Џепчиште, кој управувал велосипед, загина кога во него се забил џип со швајцарски регистерски ознаки по што возачот побегнал.
Како што информираат од СВР Тетово, несреќата се случила во саботата, а случајот бил вчера пријавен во полицијата.
Велосипедистот (З. М.) бил прегазен на кружниот тек помеѓу улиците Иво Лола Рибар и Благоја Тоска во Тетово. Во несреќата мажот добил тешки телесни повреди констатирани во Клиничката болница во Тетово по што, поради сериозноста на повредите, бил пренесен во комплексот клиники „Мајка Тереза“ во Скопје, каде што починал.
По насоки на јавен обвинител, бил извршен увид од увидна екипа и се преземаат мерки за расчитување на случајот.
