![kejt-vilijam-deca](https://citaj.mk/wp-content/uploads/2024/07/kejt-vilijam-deca.png)
Еве кому официјално би припаднале принцевите Луј и Џорџ и принцезата Шарлот.
Доколку Кејт Мидлтон и принцот Вилијам би се развеле, според стариот закон, децата би припаднале на дедото, поточно кралот Чарлс III. Овој закон, кој датира од 1700-тите, ја шокираше јавноста и покрена многу прашања за иднината на кралските деца.
Пред Кејт да открие дека има рак и дека мора да оди на превентивна хемотерапија, веќе се шпекулираше за можен развод од принцот. Се зборуваше за проблеми во нивниот брак, особено откако принцот Вилијам беше поврзан со маркизата Сара Роуз Ханбери, која, пак, негираше каква било афера, додека кралското семејство немаше коментар по ова прашање. прашање.
Кралскиот закон од минатото
Кралските експерти тврдат оти веруваат дека Кејт и Вилијам нема да се разведат, дури и ако имало неверство. Сепак, теориите на заговор поврзани со разводот продолжуваат да кружат. На социјалните мрежи се поставуваат многу прашања, меѓу кои и каде ќе живее Кејт по разводот и што ќе се случи со децата.
Марлен Киниг, која со години го следи британското кралско семејство, вели дека постои закон кој датира од 1700-тите според кој децата би му припаднале на владетелот, во овој случај кралот Чарлс III, таткото на Вилијам. Овој закон беше спроведен кога принцот Чарлс и принцезата Дајана мораа да бараат дозвола од кралицата Елизабета Втора за нивните деца да патуваат со нив.
Формалноста на законот
Марлин забележува дека овој закон е повеќе формалност. Добрите односи меѓу членовите на кралското семејство им овозможија на родителите да се вклучат во животот на нивните деца и по разводот. Меѓутоа, официјално, доколку Кејт и Вилијам би се развеле, судбината на нивните деца не е во нивни раце туку во рацете на дедото, кралот Чарлс, сè додека тој остане на тронот. Не е сосема јасно како би се поделило старателството над децата.
Примена на законот во минатото
„Сан“ потсети на разводите на Чарлс и Дијана и принцот Ендрју и Сара Фергусон, кои немаа официјално дефинирано прашање во врска со старателството пред венчавката, бидејќи беше познато дека за децата одлучува личноста која е на власт. Во двата случаи, родителите имаа пристап до своите деца и беа со нив додека растеа. Се претпоставува дека слично сценарио би можело да се случи и со Кејт и Вилијам.
Кејт би живеела во Велика Британија
Странските медиуми истакнуваат дека Кејт нема да може да ги изнесе своите деца од земјата без одобрение на кралот. Поради ова правило, постојат големи шанси таа да добие стан или куќа за неа и децата во границите на Обединетото Кралство.