Сончевото време и жештините освен уживање и престој на отворено, носат и одредени проблеми. Една од нив се змиите кои ни висат околу куќата и на тој начин ни го прават престојот надвор помалку пријатен отколку што би сакале.
Но, постои начин да ги спречите да дојдат во близина на вашиот дом. Пред се, важно е да знаете што најмногу ги привлекува. Се работи за остатоци од храна кои директно не ги привлекуваат змиите, но тоа е причинско-последична врска.
Имено, остатоците од храна привлекуваат глодари, а тие собираат храна и оставаат измет, па змиите лесно го мирисаат сето тоа и потоа тргнуваат во потрага по својот плен. Полуводните и водните змии ги привлекува мирисот на жаби или риби.
Исто така, мирисот на птиците, нивниот измет, гнездата и птичјите јајца може да биде многу привлечен за змиите, па најдобро е сето тоа веднаш да го отстраните од околината на вашиот дом. Понатаму, треба да знаете дека змиите ги чувствуваат и феромоните на другите змии, па поради потребата од храна и размножување, особено во сезоната на несење јајца, ќе се доближат до места каде што ќе почувствуваат присуство на други змии.
Корисен совет е да засадите растенија во вашиот двор или градина кои ги одбиваат змиите со нивниот мирис: лук, црвен кромид, рузмарин, пелин, маточина, невен, босилек, жалфија, ѓумбир и мајчина душица.
Ако наидете на змија, не ја бркајте, удирате и слично. Таа се плаши исто како и вие, можеби и повеќе. Во самоодбрана може да ве нападне и да ве касне, затоа останете смирени и полека оддалечете се.
