ПОЧЕТНА МАКЕДОНИЈА Гром предизвика прекин во напојувањето со струја во Дебарско-струшкиот регион

Гром предизвика прекин во напојувањето со струја во Дебарско-струшкиот регион

144

Дебарско-струшкиот регион синоќа три и пол часа остана без напојување со електрична енергија. Причина е гром кој ја погодил главната трафостаница во Хидроелектраната Шпиље кај Дебар.

„Главната трафостаница во ХЕ Шпиље погодена беше од гром-електрично празнење, при силно невреме. Екипите веднаш излегоа на терен и со максимално залагање големиот дефект беше саниран. Дебарско-струшкиот регион остана без струја од 19:50 до 23:20 часот“, потврдија за МИА од ЦУК.

Во Дебарскиот регион без струја беа општините Дебар, Центар Жупа и подрачјето на Река, општина Маврово и Ростуше.

Подрачјето кусо беше зафатено од невреме проследено со обилен дожд, електрични празнење и грмежи.

Поради обилниот дожд има појава и на одрони на патните правци од Дебар кон Маврово и кон Струга поради што надлежните препорачуваат внимателно возење и строго почитување на патната сигнализација.

ПретходнаАпасиев: Добро е за државата ДУИ да оди во опозиција, но овие кои доаѓаат се уште полоши
СледнаПреговорите на коалициските партнери за идната Влада во напредна фаза, средби на ВМРО-ДПМНЕ со Вреди и ЗНАМ