„Приватна специјализација, без работен стаж, без здравствено осигурување, без породилно отсуство“, ова беа дел од транспарентите што специјализантите ги држеа во рацете во знак на протест пред Министерството. Побараа покачување на платата согласно просечна плата во Македонија за тековната година, повторно да се воведе бесплатното здравствено осигурување за сите кои се на приватна специјализација и навремена исплата на дежурствата со секоја тековна плата.
Георгиевска вели дека доколку не можат да најдат работа во приватниот сектор, специјализантите се обврзани да заминат од државата. Додаде дека специјализанти не постојат во повеќе земји на Западна Европа и дека приватни специјализанти има само на Балканот, моментално има само во Албанија и Косово.
Инаку испративме прашање до Министерството за здравство дали ќе бидат исполнети барањата на специјализантите, но досега не добивме одговор.
