ПОЧЕТНА МАКЕДОНИЈА Кривична пријава за увозникот што шверцуваше мобилни, цариникот што го пуштил е...

Кривична пријава за увозникот што шверцуваше мобилни, цариникот што го пуштил е суспендиран

56

Секторот за контрола и истраги при Царинската управа поднесе кривична пријава против управителот на фирмата и фирмата која се обиде да прошверцува голема количина мобилни телефони. Управителот и фирмата се сомничат за царинска измама. Од Царината уште информираа дека поднеле кривична пријава против цариник поради постоење основано сомнение дека сторил кривично дело злоупотреба на службената положба и овластување.

„Кривичната пријава против фирмата и управителот е поднесена поради основано сомнение дека пријавениот сторил кривично дело царинска измама, на начин што пријавениот се обидел да увезе стока што се разликува од стоката во царинската декларација која била оцаринета и со тоа нанел штета на Буџетот. Кривичната пријава против царинскиот службеник е поднесена поради сомнение дека пријавениот сторил кривично дело злоупотреба на службена положба и овластување, на начин што со неизвршување на својата службена должност, не постапил согласно важечките закони и прописите на Царинската управа и овозможил наплата на царински и други давачки во помал износ отколку што реално требало да се наплати и со тоа нанел штета на Буџетот. Исто така, царинскиот службеник е суспендиран од работното место“, информираа од Царина.

Пред 10 дена на патниот правец Петровец – Скопје скопската полиција трагајќи по шверцери на дрога откри пратка тешка 1,2 тони во која имало 5.000 мобилни телефони чија вкупната вредност би можела да достигне до 5 милиони евра.

По ова следуваше молк од Царинската управа која подоцна призна дека во пресретнатата пратката имало ѝ мобилни телефони.

ПретходнаВИДЕО: Четири лица со палки и шипки претепаа маж во сервис за автомобили во Корча
Следна(Видео) Кејт Мидлтон откри дека има рак