Модерен спортски центар во наредните шест месеци ќе никне на местото на старото спортско игралиште во Реонски Центар – Аеродром. Предвидено е спортското игралиште да добие нова повеќе слојна подлога погодна за терен со вештачка трева.
– Ќе бидат санирани металната конструкција, трибините и заштитната мрежа. Дополнително, ќе бидат поставени клупи за резервни играчи со кабини од плексиглас, а целосно ќе бидат реконструирани соблекувалните – изјави градоначалникот на општина Аеродром, Тимчо Муцунски.
Проектот вреден 23 милиони денари се реализира како дел од јавно – приватно партнерство меѓу Општина Аеродром и приватна фирма.
– Станува збор за соработка која ќе резултира со репрезентативен спортски објект наоправен по сите стандарди каде ќе можат да се одржуваат спортски натпревари – нагласи Муцунски.
