Верица Јечменица, помошник на министерот за градежништво, транспорт и инфраструктура, изјави дека „запирањето во работата на аеродромот Никола Тесла настанало поради грешка во функционирањето на услугите на аеродромскиот оператор“ и дека „аеродромскиот оператор ја сноси единствената одговорност за проблемите што се појавија“.
– Денеска околу 17 часот во транзитната зона дошло до мешање на патници кои пристигнале од Скопје со други патници кои имале намера да патуваат до европски и светски дестинации, а над кои претходно биле извршени лични и проверки на багажот. Патниците кои слетале во 16:16 часот со лет од Скопје со автобус по грешка биле однесени на погрешна капија, каде влегле во транзитниот простор и се измешале со патниците кои поминале безбедносни контроли. На барање на белградскиот аеродром, МВР ја прекина пасошката контрола на излез од Србија во 17 часот и 22 минути – соопшти Јечменица.
Јечменица соопшти дека во моментов на аеродромот Никола Тесла доцнат 17 летови на „Ер Србија“ и дека „Ер Србија“ ги откажа вечерашните летови за Берлин, Франкфурт и Дизелдорф.
Српското Министерство за градежништво, транспорт и инфраструктура наложи инспекција, која по завршување на постапката за надзор ќе поведе постапки против операторите и одговорните лица согласно Законот за воздушен сообраќај. За резултатите од мониторингот јавноста ќе биде информирана. Авиокомпаниите што претрпеа штета ќе ги решат односите со аеродромскиот оператор кој е одговорен за штетата – изјави помошник-министерот Верица Јечменица.
Бонус видео: Невремето направи хаос на патиштата во Македонија
