Портпаролката на СДСМ, Богданка Кузеска денеска информираше дека СДСМ нема да ги поддржи интерпелациите предложени од ДУИ, поради тоа што, како што наведе, не сакаат нови етнички поделби.
-Остануваме на ставот, тоа е и одлука на Извршниот одбор на партијата, нема да ги поддржиме и нема да гласаме за интерпелациите што се поднесени од ДУИ. Не се потребни нови поделби по етничка основа, за поднесување на интерпелација потребно е да се видат критериумите и секако сите оние аргументи коишто се поврзани со лошото работење на некој министер за да може да бидат тие поднесени и да бидат поддржани а не по етничка линија. Пратеничката група на координација ќе ги усогласи настапот на седницата, рече Кузеска.
