Француската полиција го уапси Павел Дуров, ко-основач и извршен директор на Телеграм. Дуров е приведен откако неговиот приватен авион слета од Азербејџан на аеродромот Бурже во саботата вечерта, објавија француските медиуми.
Тој пристигна на пистата на аеродромот Париз-Ле Бурже со сопругата и телохранителите. Претприемачот, роден во Русија, живее во Дубаи, каде што е седиштето на Телеграм и има двојно државјанство на Франција и Обединетите Арапски Емирати. Форбс го проценува неговото богатство на 15,5 милијарди долари
Според француските медиуми, 39-годишниот милијардер е уапсен по потерница за злосторства поврзани со популарната апликација за пораки. Според извештајот на TF1, Дуров е обвинет за повеќе кривични дела, вклучително и поддршка на тероризам, поседување дрога, измама, перење пари, примање украдена стока и поседување педофилска содржина.
Тој во саботата вечерта беше изведен пред истражниот судија на Националната канцеларија за борба против измами (ONAF) пред евентуалното обвинение. Обвинението би можело да биде поднесено во недела, пишуваат медиумите. Француското правосудство смета дека недостатокот на умереност на платформата Телеграм и несоработката со полицијата го прават соучесник во бројните злосторства кои секојдневно се случуваат на Телеграм.
