Ускок (Специјалното обвинителство на Хрватска за сузбивање на корупција и организиран криминал) поднесе обвинителен акт против Тони Цетински откако било утврдено дека користел лажен сертификат за вакцинација против коронавирусот.
Како што пренесува и „Имеријал“, заменик-обвинителот Вјекослав Шаулиќ на 28 декември 2023 година до Жупанискиот суд во Загреб испратил обвинение против 18 лица, меѓу кои и за познатиот пејач.
Тони Цетински е обвинет дека платил за да добие лажни сертификати за вакцинација против коронавирусот, за што наводно му помогнала медицинска сестра.
– Кој нуди или вети поткуп на службено или одговорно лице за да изврши службено или друго дејствие што не треба да го изврши во или надвор од границите на неговите овластувања, или да не изврши службено или друго дејствие што треба да го изврши или кој посредува ваков поткуп на службено или одговорни лица, ќе се казни со затворска казна од една до осум години – се наведува во дописот.
