Од денес до 30 овој месец припадници на Министерството за внатрешни работи на Република Србија ќе бидат присутни во Охрид, согласно договорената соработка на МВР на двете држави за време на туристичката сезона.
Соработката за заеднички полициски патроли беше договорена за време на официјалната посета на министерот за внатрешни работи Панче Тошковски на Србија на 25 јули оваа година.
Согласно Протоколот за соработка меѓу МВР на двете земји за соработка во текот на летната сезона, тројца полициски службеници на српската полиција од општа надлежност и еден од Одделението за криминалистика секојдневно во односниот период ќе работаат на терен заедно со нивните колеги од Македонија.
