Шведската агенција за јавно здравје го регистрираше првиот случај на мајмунски сипаници надвор од африканскиот континент.
Лицето се заразило за време на неговиот престој во Африка каде во моментов има голема епидемија на оваа болест.
Веста доаѓа само неколку часа откако Светската здравствена организација (СЗО) прогласи вонредна состојба во некои делови од Африка.
Најмалку 450 луѓе починаа за време на првичното избувнување во Демократска Република Конго.
Светската здравствена организација (СЗО) вчера по втор пат во две години прогласи глобална вонредна состојба на јавното здравје поради ширењето на вирусот „Мпокс“, порано познат како мајмунски сипаници.
