Авион со 62 патници се урна денеска во станбена област во градот Винхедо, во бразилската држава Сао Паоло, соопшти авиокомпанијата, но засега не е јасно колку луѓе се повредени или загинати.
Авиокомпанијата VoePass преку соопштение потврди дека авионот кој се движел кон меѓународниот аеродром Гуарулхос во Сао Паоло се урнал со 58 патници и 4 членови на екипажот. Во соопштението не се наведува што ја предизвикало несреќата, пренесува АП.
🚨 Reports confirm a plane with 58 passengers and 4 crew members crashed in Vinhedo, Brazil pic.twitter.com/HGM3TQ0e7F
— Anadolu English (@anadoluagency) August 9, 2024
Пожарникарите потврдија дека авионот се урнал во градот Винхедо, но не дадоа дополнителни детали. Противпожарната единица испратила екипи на местото на несреќата.
Бразилската телевизиска мрежа GloboNews прикажа снимка од голема површина во пламен и чад што доаѓа од очигледен труп во станбена населба полна со куќи.
