![kalasnikov](https://citaj.mk/wp-content/uploads/2024/07/kalasnikov.png)
Во полициската станица во Карпош украдено е автоматско оружје „калашников“ пишува порталот Порталикс повикувајќи се на свои извори.
Информацијата ја потврди и МВР кои велат дека од 19 јуни недостасува автоматско оружје, при што е направена и внатрешна контрола при МВР. Се уште нема информации каде е украдената автоматска пушка, а од страна на Единицата за Внатрешни работи Карпош е направен план за пронаоѓање на огненото оружје.
„При извршена контрола на 08.07.2024г. констатирано е дека во периодот од 19.06.2024г. до 08.07.2024г. во ЕВР Карпош недостасува автоматското оружје и за истото известена е внатрешна контрола при МВР, а од страна на ЕВР Карпош изготвен е План за преземање на сите неопходни оперативно-тактички мерки за нејзино пронаоѓање“, велат од МВР.