Две лица од кои едно потешко се повредени откако со автомобил „шевролет матиз“ излетале од автопатот Скопје-Куманово, во близина на влез за Меѓународен аеродром-Скопје.
Несреќата се случила вчера околу 19:50 часот, а со возилото управувала С.П.(51) од Скопје.
-Во несреќата со тешки телесни повреди се здобил сопатникот Т.Д.(57) од Скопје, а со телесни повреди се здобила С.П., констатирани во Комплексот клиники „Мајка Тереза“, информира МВР.
Извршен бил увид од увидна екипа од СВР Скопје.
