Драматичната снимка е снимена во Австралија, а го прикажува моментот кога мали авион го загубил моторот, а пилотот со чудесен маневар избегнал трагедија.
Инцидентот се случил во Нов Јужен Велс додека авионот принудно слетал на аеродромот Банкстаун вчера околу 14 часот по локално време.
„Помош, имаме проблем со моторот“, рекол пилотот преку радио.
„Примено, помош доаѓа. Сите писти ќе бидат достапни“, одговориле од контролната кула.
Снимката од хеликоптер покажува како леталото ја губи висината и се чини дека за влакно ги избегнува покривите на куќите, покривите на дрвјата и зградата на аеродромот.
Пред да застане на тревата, лизгал неколку метри по асфалтот, пренесува News.com.au.
Аеродромските и итните служби брзо реагирале, а е снимен моментот кога пилотот и копилотот неповредени излегле од кабината.
Детална истрага за инцидентот ќе врши Дирекцијата за безбедност на цивилното воздухопловство.
