ПОЧЕТНА ЕКОНОМИЈА Ќе се зголеми сумата за поврат на ДДВ: Ковачевски најави дека ќе...

Ќе се зголеми сумата за поврат на ДДВ: Ковачевски најави дека ќе изнесува 3.000 денари

114

Во наредниот период сумата за поврат на ДДВ преку проектот Мој ДДВ ќе се зголеми на 3.000 денари за едно тромесечие, најави лидерот на СДСМ Димитар Ковачевски пред неколку денови на отварање на СДСМ во Штип.

Преку проектот „МојДДВ“ како еден од најуспешните, за нешто повеќе четири години на сметките на граѓаните се слеале повеќе од 130 милиони евра. Тоа се сериозни пари кои се директно исплатени на сметките на граѓаните и позитивно влијае врз семејните буџети кај повеќе од 540.000 корисници на оваа мерка.

Освен дополнителниот приход за корисниците, оваа мерка има и позитивен ефект во намалувањето на сивата економија.

Од јануари 2023 година се зголеми прагот на враќање на дел ДДВ-то изразено во фискалните сметки, од 1.800 денари за едно тромесечје, на 2.100 денари, односно 8.400 денари годишно по корисник.

Граѓаните кои скенираат фискални сметки во едно тромесечје сега може да остварат максимален износ од 2.100 денари по корисник. За цела една година тоа се 8.400 денари по корисник.

ПретходнаБајден се надева на прекин на огнот во Газа до Рамазан
СледнаСе стресе БиХ: Земјотрес ги разбуди жителите на Билеќа, почувствуван и во Хрватска