Читај.мк Читај и мисли слободно
Слични вести
На крилниот центар на српската репрезентација Бориса Симаниќ му е отстранет повредениот бубрег, дознава Спорт Клуб.
Кошаркарот на Сарагоса доби силен удар на 30 август на натпреварот од второто коло од првата фаза на Мундобаскетот со Јужен Судан, поради што мораше веднаш да ја напушти играта.
Симаниќ бил опериран истата вечер, а иако првите прогнози биле оптимистички, лекарите, за жал, морале да му го отстранат бубрегот. Во наредните часови се очекува потврда од КСС.
Симаниќ има 25 години, висок 211 сантиметри, а со години е член на сениорската селекција на Србија, пред се во квалификациските „прозорци“ за големи натпреварувања. Треба да се нагласи дека крилниот кошаркар апсолутно секогаш и беше на располагање на репрезентацијата, без разлика на квалитетот на противникот и фазата на натпреварување.
На Светското првенство во Манила за прв пат во кариерата се најде во финалниот состав на репрезентацијата за голем турнир.
Беше и јуниорски репрезентативец, а на Европското првенство за играчи до 16 години освои сребрен медал во 2013 година во Украина.
Професионалната кариера ја започна во Црвена Звезда во 2014 година, а играше и за ФМП и Мега, пред да се пресели во Сарагоса во летото 2022 година.
Србија во вторник ќе се сретне со Литванија во четвртфиналето на Мундобаскетот, а натпреварот започнува во 10:45 часот со пренос на Спорт Клуб.