Читај.мк Читај и мисли слободно
Слични вести
Алекс Роси, дописник на Sky News од Москва, пишува дека во Русија отпорот кон мобилизацијата, полека но сигурно расте.
Во последните пет дена, откако рускиот претседател Владимир Путин најави мобилизација на 300.000 резервисти за војната во Украина, се одржаа низа протести против мобилизацијата, каде беа приведени повеќе од 2.000 луѓе.
Роси наведува дека протестите се мали, но значајни со оглед на фактот што се одржуваат во Путинова Русија, каде не се толерира непослушност. Има знаци и за посериозен бунт против мобилизацијата.
Најмалку 20 канцеларии за регрутирање биле изгорени, а еден офицер за регрутирање е застрелан од непосредна близина во канцеларијата за мобилизација во сибирскиот регион Иркутск, потсетува Роси.
Сè уште нема значајно антимобилизациско движење, но колку подолго трае, толку е поголема веројатноста дека движењето ќе расте.
Не е изненадувачки што Путин ја одложувал мобилизацијата, според Роси, кој ја опишува како „стратегија со висок ризик за него и неговиот режим“.