недела, 25 септември, 2022

ОПШТ ХАОС на бензинска пумпа: Гориво се продавало по РЕКОРДНО НИСКА ЦЕНА од едно евро по литар

Бензинска пумпа случајно продавала гориво по цена од едно евро за литар.

Евтиното гориво резултирало со општ хаос и гужви во вторникот попладне.

Како што пишуваат медиумите, супер плус на таа бензинска пумпа чинел 1.029 евра за литар.

Ова се случило во германскиот град Геролцхофен во Баварија.

„Складиштето од 3.000 литри беше празно доцна вечерта“, изјави закупецот на бензинската пумпа.

Во средата наутро литар бензин Супер плус повторно чинеше 2.099 евра, пишуваат германските медиуми.

Како што соопшти во средата операторот на бензинската пумпа, погрешната цена била поради грешка на вработен при внесување на цените. Во 21.41 часот магацинот бил празен.

Од бензинската пумпа засега не можат да соопштат колку литри гориво се продадени по поевтина цена.

Попустот сега се води како „несакана промотивна распродажба“ и не се замерува на возачите кои евтино ги наполниле резервоарите, пренесува „Fenix ​​Magazine“.

Извор: lokalno.mk

Коментари

коментари

error: Content is protected !!