понеделник, 15 август, 2022

Парите ја ГУБАТ вредноста, растот на цените УДИРА по стандардот на граѓаните

Парите ја губат вредноста.

Иако Статистика вчера измери дека просечната нето плата исплатена по вработен за мај годинава изнесува 31 400 денари, што е за близу 2.700 денари повеќе во однос на истиот месец лани, сепак растот не ги следи и трошоците за живот на граѓаните кои се повисоки од месец во месец, сметаат експертите..

Ангел Димитров за Канал 5 вели дека државата мора да им помогне на најранливите категории граѓани и фирми, но и таа да штеди за да може да се заузда високата инфлација.

„Држава се наоѓа во многу полоша ситуација. Долг спрема странство порасна значително, а новите кредити се со поголеми каматни стапки. Многу повеќе пари од буцет ќе одат за камати во иднина, наместо за развој и инфраструктура.

Да се заштитат најранливи категории и компании за енергенси, додека останати сами да се снаоѓаат бидејќи не може држава на сите да помогне.“ изјави Ангел Димитров, Организација на работодавачи.

Статистика последно измери рекордна инфлација од 14,5% во мај…Владата најави нов антикризен пакет за септември, со кој опфатени ќе бидат само ранливите категории граѓани. Сепак, очекувањата се цените на струјата и храната да продолжат да растат.

Па така, министерот за економија вчера најави дека ограничените маржи на основните прехранбени производи ќе траат до крајот на годината, а се разгледува и листата да се прошири и со нови продукти.

Коментари

коментари

error: Content is protected !!