ГОЛЕМА ТРАГЕДИЈА: АВТОБУС УДРИЛ ВО БЕТОНСКИ СТОЛБ – 20 лица се повредени во тешка сообраќајна несреќа во Австрија

Рано утрово на автопатот кај градот Еугендорф во Австрија се случила сообраќајна несреќа во која се повредени 20-ина лица, патници во автобус од Косово.

„Во моментов знаеме за тројца тешко и 16 полесно повредени“, изјави портпаролката на австрискиот Црвен крст Роберта Танер.

Несреќата се случила околу три часот по полноќ меѓу излезот од автопатот Салцбург Север и Валерце во правец на Виена.

На тој дел од автопатот во тек се работи и пренасочување на сообраќајот при што возилата се движат во двата правци.

Автобус со околу 25 патници удрил во бетонски столб од засега неразјаснети причини, изјави за агенцијата АПА портпаролот на полицијата Ханс Волфгрубер.

Автобусот превезувал патници од Хановер во Германија кон Косово, пишува „Телеграф“.

Коментари

коментари

error: Content is protected !!