СДСМ и ВМРО ДПМНЕ повеќе од 20 часови се расправаа дали Макпетрол е нова Окта, а дали Телма е нов Сител

По повеќе од 20 часови расправа заврши џамбо седницата на македонското собрание, на која се расправаше за предлог законот за решавање на спорот меѓу владата на Република Северна Македонија и акционерското друштво Макпетрол од Скопје. На маса беа ставени 50 отсто од сопственоста на гасоводот во Македонија и обврската на владата да му исплати на Макпетрол 33 милионни евра.

Опозицијата се обиде оваа расправа да ја искористи за две работи. Прво, случајот со Га-ма или случајот со Макпетрол да го прикаже како нова Окта. И овогодинешната декемвриска собраниска седница да се поистовети со црниот понеделник од 2012 година кога пратениците на СДСМ беа брутално исфрлени од собраниската сала.

Тоа е стратегијата на Никола Груевски, кој во континуитет, по херојското заминување во Будимпешта, се обидува сите црни петна во својата политичка кариера да ги репризира. Случајот Окта е еден од нив, бидејќи како министер за трговија Груевски имаше потпишано некои анекси на договорот кои потоа беа предмет на грчката тужба во судот во Лондон. А црниот понеделник во 2012 година беше, на некој начин, увертира на тоа што се случи на 27 април 2017 година.

И се разбира, бидејќи ТВ Телма е во сопственост на Макпетрол, да се направи одредена алузија или обид за алузија на врската Груевски-Силекс-Сител и врската на Заев-Макпетрол-Телма.

Очигледно тие две работи му тежат на Груевски и оваа ВМРО ДПМНЕ кое е се уште под негова целосна контрола мораше да спроведе таква стратегија на собраниски настап.

Се разбира во фонот на оваа собраниска дебата, во медиумите под контрола на опозицијата, беше ставена и телевизијата со национална концесија Телма која е во сопственост на Макпетрол. Пред еден месец на лидерот на ВМРО ДПМНЕ му беше откажано интервјуто на оваа Телевизија. Деновиве на твитер се разви полемика и беа објавувани информации за наводна средба на првиот човек на Макпетрол, Андреја Јосифовски и Христијан Мицкоски. Таа средба не беше демантирана ниту од едниот ниту од другиот.

Наводно на таа средба Мицкоски и Јосифовски, како што се пишува на твитер, не се договориле Јосифовски да добие поддршка на ВМРО ДПМНЕ за гласање на спорниот закон, а Мицкоски да добие “загарантирани” минути во вестите и во информативниот појас на телевизијата.

Инаку се до неодамна односите на Телма и Мицкоски беа одлични и Телма поради блискоста на некои новинари или новинарки со Јордан Камчев беше медиум кој најмногу “навиваше” во случајот Рекет против СЈО.

Односите на Телма и владата долго време не беа идеални, и менаџментот на Телма и Макпетрол многу повеќе беа блиски со поранешниот вицепремиер Кочо Анѓушев и поранешниот министер за надворешни работи, Никола Димитров отколку со Зоран Заев. Но во последните месеци, особено по изборите на 15 јули, односите на Телма и власта повторно станаа цврсти како бетон. Можеби “бетонирањето” се должи на договорот околу овој спорен закон за гасоводот во Македонија.

Извор: vocentar.com

Коментари

коментари

error: Content is protected !!