Веројатно само овој човек не знае за смртта на Марадона, му го исклучиле телевизорот

Додека целиот свет жали за Диего Марадона од еден човек се крие неговата смрт.

Најголемата слава Ел Пибе ја имаше во 1986. година кога Аргентина ја однесе на светскиот трон. Тогаш тренер на Гаучосите беше Карлос Биљардо.

Токму Биљардо моментално е единствениот човек на светот од кој се крие смртта на Диего, а тоа го потврди неговиот брат, Хорхе.

„Му го исклучивме телевизорот на Карлос, не сакаме да дознае за смртта на Диего бидејќи го сака и ќе му биде многу тешко кога ќе дознае.“ – откри Хорхе Биљардо и додаде:

„За Карлос Биљардо беше син кој го немаше. Многу пати го земаше и го носеше со себе каде и да работи.“

Инаку, 82-годишниот Биљардо беше првиот селектор на Аргентина кој му ја додели капитенската лента на Гаучосите.

Извор: sportski.mk

Коментари

коментари

error: Content is protected !!