Макрон се огласи вечерва: Ова е наша Европа – нема да попуштиме

Францускиот претседател Емануел Макрон вечерва објави дека „Французите ја делат тагата на Австријците по терористичкиот напад во Виена“, најавувајќи „борба против непријателите на Европа“.

За нападот во Виена се огласи и францускиот претседател Емануел Макрон.

„Ние, Французите, го делиме шокот и тагата на Австријците по нападот во Виена. По Франција, пријателска земја е нападната. Ова е нашата Европа. Нашите непријатели мора да знаат со што си имаат работа. Ние нема да попуштиме пред ништо”, напиша Макрон на Твитер.

Според информациите кои ги објави владата, загинале тројца, а меѓу нив и напаѓачот. Медиумите јавуваат за седум мртви. Според засега достапните информации, 15 лица се хоспитализирани.

Австрискиот канцелар Себастиан Курц и се обратил на јавноста по нападот во Виена и рекол дека станува збор за одвратен терористички напад.

„Полицијата ќе дејствува против напаѓачите. Драго ми е дека веќе елиминирале еден. Никогаш нема да не заплаши тероризмот и ќе се бориме против тие напади на сите начини“, ркоел тој.

Им се заблагодарил на служби за нивната работа, како и на лидерите на ЕУ и меѓународните парнери кои објавиле поддржувачки пораки.

Курц објави дека федералната војска ја штити Виена, за полицијата непречено да ги лови терористите.

Коментари

коментари

error: Content is protected !!