Апасиев: Требаше да си дадете оставки, а не онака педерски да го менувате името на државата

Димитар Апасиев од Левица на денешната собраниска седница за избор на нова влада реплицирајќи се обрати кон сегашниот мандатар на кој му посчи дека требал да си поднесе оставка.

– Вие после референдумот требаше да си заминете, да си поднесете оставки цела Влада, а не потоа, да ми извини ЛГБТ заедницата, онака пед***ски да го менувате името на државата.Без легитимитет, го променивте името на Македонија. Така прават државниците, така прави Шарл де Гол, но трговците поединци од Струмичко прават поинаку. Ова ви се последни избори на кои освојувате повеќе од 40 пратеници, бидејќи и на светско ниво социјалдемократијата веќе не е секси – рече Апасиев.

Пратеникот од Левица, Димитар Апасиев претходно побара од претседателот на Собранието, Талат Џафери да свика посебна Седница за пратенички прашања на која би се расправало за пропаста на Евростандард банката, преку пратенички прашања.

Во одговорот, Џафери ги цитираше членовите од Деловникот според кои седница може да свикаат само 20 пратеници, а зад барањето на Апасиев стојат двајца од Левица.

Од СДСМ збор имаше и Љупчо Николовски, кој порача дека не е време за навреди, омраза, поделби.. затоа што од тоа губи само државата.

„Колега Јанушев, Зошто навреди, омраза, желба за поделби уште веднаш? Зар сметате дека вака државата ќе оди напред? Зарем не е подобро да најдеме заеднички јазик и да истуркаме некои работи заедно, да работиме за добро на народот, да имаме некој национален консензус по одредени теми?

Разбирам дека ВМРО-ДПМНЕ не живее денови кои ги сака и заслужува. Знам дека партијата е соочена со внатрешни проблеми и превирања, но вака ли ќе се решат истите?

Искрен и пријателски совет до сите колеги во опозициската партија, решете ги внатрешните несакани ситуации, фокусирајте се на тоа.

Дозволете да започнат вистински демократски процеси, нема друг начин да се оди напред. А потоа, владиниот состав и СДСМ како партија ја очекува вашата соработка, партнерство, заедништво, за да продолжиме по европскиот пат кој го трасиравме и за кој се согласуваме дека е вистинскиот за нас.

Имаме многу работа и многу предизвици пред нас. Ни треба стабилна и силна опозиција. Не ни треба хистерија, омраза и поделби.

Сфатете го мојот збор пријателски, како што е наменет. Овој однос сигурно нема да ви донесе резултати.“ – му порача Николовски на Јанушев.

Коментари

коментари

error: Content is protected !!