недела, 20 септември, 2020

ГОТОВО Е: Падна договор за нова Влада – ова се деталите

По неколку денови мандат, Зоран Заев во текот на утрешниот ден се очекува заедно со коалицискиот партнер Али Ахмети да го објават договорот за состав на нова Влада.

Вакво нешто неофицијално пренесуваат повеќе медиуми, а потврда пристигна и од генералниот секретар на СДСМ, Љупчо Николовски кој преку социјалните мрежи ја сподели оваа инфроамција.

Еве што напиша тој:

Почитувани, дозволете да Ви го пренесам соопштението на #СДСМ за напредокот во преговорите за нова Влада –

За време на викендот и денес продолжија интензивните работни средби меѓу претставниците на СДСМ и Коалицијата “Можеме” и ДУИ со цел креирање коалициски договор за идна стабилна Влада на Република Северна Македонија.

Тимовите на СДСМ и ДУИ интензивно работеа на создавање брз и темелен коалициски договор уште во првите денови од уставно определениот рок од 20 дена после добивањето на мандатот. Во разговорите кои се водат на ниво на генерални секретари постигнат е сериозен напредок по однос на речиси сите прашања кои водат до договор за Влада.

Со оглед на итноста и потребата од брзо ставање во целосна функција на клучните институции во државата заради справувањето со здравствените и економските предизвици поврзани со Ковид-19, во текот на утрешниот ден ќе се одржи лидерска средба меѓу претседателите Зоран Заев и Али Ахмети на која се очекува конечен договор за нова, стабилна, посветена Влада со мандат од четири години.

Имајќи ги предвид очекувањата за брз конечен договор, во текот на следните денови се надеваме дека ќе продолжи конститутивната седница за избор на претседател на Собранието на Република Северна Македонија.

За сите нови информации од финалето на преговорите во јавноста ќе известуваат исклучиво официјални лица или прес службите на партиите.

Коментари

коментари

error: Content is protected !!