четврток, 13 август, 2020

СЗО со нова лоша вест: Не е корона вирус, друга болест се шири многу побрзо

Еболата се шири во Демократска Република Конго со речиси 50 регистрирани случаи, објави Светската здравствена организација (СЗО).

Откако властите ја прогласија епидемијата на 1 јуни, потврдени се 48 случаи во Конго, а за уште тројца постои сомнеж дека се заболени. Вкупно починале 20 лица, изјави експертот на СЗО, Мајк Рајан.

„Ова е многу активно жариште и јас би рекол дека имаме голема причина за загриженост“, рече Рајан пред новинарите.

Тој предупреди дека иако сега бројките се мали, во ерата на Ковид-19 многу е важно да не ги запоставиме другите болести што се појавуваат.

СЗО: Пандемијата може да се влоши

„Во догледно време нема да има враќање во старата нормала. Има уште многу работи за кои треба да се загрижиме“, предупреди тој.

Пандемијата од коронавирус би можела да се влоши ако државите не преземат строги здравствени мерки на претпазливост, предупреди СЗО.

„Да бидам искрен, премногу држави се движат во погрешна насока, а вирусот останува јавен непријател број еден“, порача челникот на СЗО Тедрос Аданом Гебрејесус од седиштето на оваа организација во Женева.

„Ако основите не се почитуваат, оваа пандемија само ќе станува полоша и полоша“, додаде тој.

Денеска бројот на заразени од коронавирус во светот ја надмина бројката од 13 милиони, а повеќе од половина милион се смртни случаи.

Тедрос истакна и дека од 230.000 нови случаи на заразени во неделата, дури 80 отсто доаѓаат од 10 држави, а 50 отсто само од две од нив – Бразил и секако од САД кои се од пандемијата најпогодени држави, а нивниот претседател Трамп е најжесток критичар на СЗО.

„Во догледно време нема да има враќање во старата нормала. Има уште многу работи за кои треба да се загрижиме“, предупреди тој.

Шефот на СЗО за итни ситуации Мајк Рајан изјави дека неговиот тим пристигнал во Кина за да го истражи потеклото на вирусот и дека моментално се во карантин, што е стандардна процедура, по што ќе работат со кинеските власти.

Тедрос откри дека СЗО се уште не го добила официјално барање од САД за повлекување од таа организација, што беше најавено до Трамп. Американскиот претседател смета дека СЗО на почетокот на кризата и одела во прилог на Кина, во која е забележан првиот случај на зараза.

Трамп, кој во текот на викендот првпат е виден во јавноста со заштитна маска, често е мета на критичари кои сметаат дека тој не ја сфаќа пандемијата доволно сериозно, што републиканецот го отфрла.

Коментари

коментари

error: Content is protected !!