четврток, 13 август, 2020

Вчера излезе протокол за свадби: Комисијата за заразни болести денес ги шокираше угостителите

Комисијата за заразни болести смета дека е премногу рано за нивно организирање. Ништо од свадбите и другите прослави. На вчерашниот состанок иако угостителите доставиле правилници за тоа како треба да се оргнизира една прослава, од комисијата велат дека сеуште постои ризик од ширење на вирусот.

Презентираниот протокол кој предвидува намален капацитет, список со присутни гости, дезинфекција, редарска служба и слично, комисијата заклучи дека не се створени услови за организирање на вакви настани со оглед на моменталната епидемиолошка сосотјба која се манифестира со зголемен број на потврдени случаи на Ковид.

Кога ќе се стабилизира епидемиолошката состојба и ќе се намали бројот на заболени ќе се дозволат свадби и други свечености и ќе се организираат согласно строго пропишани протоколи, се вели во дописот од Комисијата за заразни болести.

За угостителите ваквата одлука е скандалозна со оглед на тоа што се дозволија концерти, обуки во затворен простор, јавен превоз и други работи кои се далеку понебезбедни од организирање на прослави според протколи.

Рестораните за организирани настани се соочени со превработеност, бидејќи некои од угостителите воопшто не ги отворија објектите и се уште се во неизвесност за периодот што следи.

Уште од почетокот на кризата побаравме динамика на отворање, но за жал како угостители и сите останати комплементарни дејности сме во егзистенцијална криза.

Се очекува и нов бран на отпуштања, но и затворање на дејностите, особено погодени ќе бидат малите бизниси, вели Марија Синадиновска Арсовска- угостител.

Угостителите го откажаа и протестот кој требаше да се одржи денеска, за по изборите со образложение дека земјава се наоѓа во период на предизборие.

Пред извесно време угостителите добија дозвола да примаат гости во внатрешните делови, но забранета е жива музика и прослави. Дозволени се и концерти со половично искористување на капацитетот, задолжителна заштитна маска, и продажба на карти онлајн.

Невести на протест во Рим побараа да се дозволат свадбите

Невести во снежно бели фустани на протест во Рим кај легендарната „Fontane di Trevi” побараа да се дозволат свадбените церемонии.

„Протестирам, затоа што сакам да се омажам! Мојата свадба мораше да биде одложена за наредната година. Договорив се со свештеникот, но со рестораните и салоните за убавина не успеав да се договорам “, вели една од учесничките во протестот, пренесува Rent TV.

Идните невести истакнаа дека сакаат гости, неограничена веселба, танцување до утринските часови, а наведуваат и дека постои ризик дека младоженците додека ги чекаат укинувањата на ограничувањата може да се премислат.

Привремената забрана за раскошни прослави е воведена заради пандемијата, а невестите одбиваат да ги исполнат законите.

Се истакнува дека проблемите со регистрирање на брак поради корона вирусот не се појавуваат само во Рим. Властите на државата Њујорк поради епидемијата дозволија официјално склучување на бракови по пат на видео врска.

Коментари

коментари

error: Content is protected !!