четврток, 13 август, 2020

Најнова вест: Нема да биде воведен полициски час, но ќе бидат забранети собири во Белград

Српската премиерка Ана Брнабиќ, по денешната седница на кризниот штаб, соопшти дека разговарале за враќање на некои од рестриктивните мерки кои беа во сила во април и мај, но не за цела територија на Србија, туку само во погодените области.

Во белград нема да биде воведен полициски час, туку целосна забрана за јавни собири за повеќе од 10 лица на отворен и затворен простор. Сите продавници и трговски центри ќе бидат затворени од 21 до 06 часот.

Коментирајќи ги протестите од претходните две ноќи во контекст на епидемијата на коронавирус, Брнабиќ оцени дека „сигирно скапо ќе се плати за протестите кои се одржани, бидејќи луѓе веројатно се веќе заразени“.

– Да се надеваме дека мерките кои претходно ги воведовме, а тоа е задолжително носење маска, ќе почнат да даваат резултати, истакна српската премиерка.

Во понеделникот, српскиот претседател Александар Вучиќ изјави дека во Белград е алармантно бидејќи таму се над 80 отсто од заразените во Србија и најави можност за повторно воведување полициски час во српската престолнина, поради што почнаа и протестите.

Сепак, Кризниот штаб оцени дека прво треба да се обидат со други рестриктивни мерки, а воведувањето полициски час да биде крајна мерка.

Прочитај повеќе: Три пати повеќе пријавени болни и изнемоштени лица за гласање во кочанскиот регион

Вкупно 345 болни и изнемоштени лица од општините Кочани, Виница, Чешиново-Облешево и Зрновци, како и петмина жители на Кочани кои се во самоизолација поради Ковид-19, ќе гласаат во домашни услови.

Во споредба со минатогодишните претседателски избори, кога имаше 113 лица, евидентиран е тројно поголем број на пријавени болни и изнемоштени во четирите општини за претстојното гласање.

Од општинските изборни комисии потврдија дека во законскиот рок до нив биле поднесени вкупно 364 пријави, но дваесетина се одбиени затоа што не ги исполнувале потребните критериуми.

Најголем број од граѓаните кои ќе гласаат на 14 јули, вкупно 187 – се во Кочани, додека 97 во Виничко, а најмалку – 18 во општина Зрновци.

На избирачкиот список во четирите општини се запишани околу 58 илјади граѓани со право на глас, кои своето избирачко право ќе го остварат на 103 гласачки места.

Коментари

коментари

error: Content is protected !!