За сите кои користат Фејсбук – важна промена која веројатно ќе ви се допадне

Компанијата „Фејсбук” соопшти дека ќе започне да ги обележува потенцијално штетните објави на својата мрежа, кои, сепак, ќе ги остави заради нивната важност за јавноста.

Како што пренесуваат странските агенции, компанијата е под притисок да ја ограничи содржина на својата платформа, вклучувајќи ги и објавите на американскиот претседател Доналд Трамп.

Основачот на „Фејсбук”, Марк Закерберг изјави дека компанијата ќе забрани реклами во кои се опишуваат различни групи врз основа на раса и имиграциски статус, како закана, пренесува Би-Би-Си.

Исто така ќе ја отстрани содржината, дури и ако е објавена од политичар, ако процени дека поттикнува насилство или врши притисок врз гласањето.

„Вибер“ ја прекина соработката со „Фејсбук“

„Ракутен Вибер“, една од водечките апликации за размена на пораки и бесплатна комуникација, соопшти дека ја прекинува деловната соработка со Фејсбук, објави весникот The Sunday Morning.

„Злоупотребата на кориснички податоци од страна на Фејсбук и неможноста да се справиме со насилниот говор на оваа социјална мрежа ги премина сите граници, поради што Вибер презема соодветни мерки, како што е прекин на закупот на рекламен простор и отстранување на сите точки на контакт од неговата платформа за да заштити повеќе од милијарда свои корисници,“ стои во изјавата на компанијата „Ракутен Вибер“ цитирана од весникот.

„Фејсбук покажува слаба проценка и не умее да ја спознае својата улога во современиот свет,“ изјави извршниот директор на Вибер, Џамел Агауа.

Фејсбук има несовесен однос кон податоците на корисниците и недостаток на приватност во своите апликации, а сега и шокантен недостаток на неопходни мерки за заштита на јавноста од насилен говор, истакна Агауа.

Точките за контакт со Фејсбук ќе бидат отстранети од апликацијата Вибер до почетокот на јули 2020, а закупот за рекламен простор на Фејсбук завршува веднаш.

Коментари

коментари