среда, 30 септември, 2020

СО ЕДЕН КЛИК проверете дали сте добитник на домашна платежна картичка

Граѓаните од денес ќе може да проверат дали им следува, односно дали се корисници на некоја од платежните картички и која е нивната банка издавач.

Од денес со само еден клик може да проверите дали и вие сте добитник на домашна платежна картичка.

Веб-сајтот http://www.kupuvamdomasno.gov.mk/ е активен. Па се што треба да направите откако ќе го отворите порталот е да го внесете вашиот матичен број и да кликнете на копчето „Пребарај“.

Веднаш потоа ќе добиете информации дали сте добитник на домашна платежна картичка и колку изнесува истата во денарска противвредност.

Каков резултат добивате откако ќе пребарате:

Корисниците ќе бидат исконтактирани од банките. Целиот процес е направен да биде максимално едноставен за корисниците, без пријавување или аплицирање, туку институциите да ја завршат целата постапка за нив.

Корисници на домашни картички се:Граѓани со низок доход: Приматели на социјална помош и невработени евидентирани како активни баратели на работа во АВРСМ до 22.05.2020, кои оствариле нето доход до 180.000 ден во 2019 и нето доход до 60.000 денари во период од јануари до април 2020 година, согласно евиденцијата на УЈП. Тие ќе добијат картичка со 9.000 денари;

Вработени со низок доход: Лица кои се во работен однос и кои за периодот од јануари до април 2020 година, оствариле доход само по основ на плата и надоместоци на плата во нето износ не поголем од 60.000 денари на ниво на полно работно време, според евиденцијата на УЈП. Овие корисници ќе добијат картичка со 3.000 денари;

Млади лица: Лица со наполнети 16 години и не постари од 29 години (заклучно 22.05.2020) година, активни учесници во државното формално средно образование и високото додипломско образование. Тие ќе добијат картичка со 3.000 денари;

Здравствени работници ангажирани во справување со КОВИД-19: Вработени во ЈЗУ, Клиника за инфективни болести, Институт за јавно здравје, Центри за јавно здравје, Итна помош, инфективните одделенија и вработени во други одделенија ангажирани за тестирање, дијагностицирање и лекување на граѓани заболени од КОВИД-19. Овие здравствени работници ќе добијат картичка со износ од 40% од основната нето плата.

Коментари

коментари

error: Content is protected !!