недела, 20 септември, 2020

Во Делчево доцна попладне пристигна доверливиот материјал за претстојниот референдум

Државната изборна комисија покрај во останатите 79 општини, доцна попладнево и во Делчево до општинската изборна комисија го достави доверливиот материјал за гласањето на претстојниот рефрендум.

Како што истакна портпаролката на ДИК, Љупка гугучевска во доверлив материјал спаѓаат гласачките ливчиња, изводите од избирачкиот список, дневниците за евиденција на настани записниците и останатите материјали кои се важни за спроведување на овој референдум на државно ниво.

– Со добивањето на овие материјали се е подготвено за гласањето на кое во недела во Делчево своето право на глас ќе може да го остварат вкупно 14.721 гласачи кои се запишани во изводите за избирачкиот список за општина Делчево. Од нив 13.798 во основните изводи и 923 во посебните изводи од избирачкиот список. Вторите се граѓани кои се на привремена работа или престој во странство и се пријавени во надлежен државен орган. Гласањето во Делчево ќе се одвива на вкупно 36 избиорачки места, информираше Гугучевска.

Според информациите на Владимир Петровски, претседател на општинската избирачка комисија во Делчево 99 пријавени гласачи сакале да го остварат своето избирачко право како болни лица. Од нив 85 пријави се прифатени со што овие граѓани ќе можат да го остварат своето гласачко право в сабота.

Коментари

коментари

error: Content is protected !!