Читај » СВЕТ » Европската унија ќе ги укине санкциите против Русија по воведувањето на мисијата на ОН во Донбас

Европската унија ќе ги укине санкциите против Русија по воведувањето на мисијата на ОН во Донбас

Германскиот министер за надворешни работи, Зигмар Габриел, на маргините на безбедносната конференција во Минхен го објави можното укинување на европските санкции против Русија, ако успее планот за распоредување на мировници на ООН во Донбас. Габриел ја смета идејата за рускиот претседател Владимир Путин за воведувањето на мисијата на ООН за правилна.

„Ние мора да постигнеме примирје во Украина, ако тоа успее, ќе почнеме чекор по чекор да ги укинуваме санкциите против Русија“, рече министерот.

„Владата на [Германија] има намера повторно да ги подобри односите [ЕУ] со Русија, се разбира, постојат различни точки на гледање, но и покрај тоа, Русија – е нашиот најголем европски сосед. Русија е земја со која сакаме стабилност на нашиот континент и подобар однос“, рече Габриел.

Според германскиот министер, економскиот развој меѓу ФРГ и Русија е подобрен во последниве години.

„Но, како што сите знаеме, потенцијалот и можностите се многу поголеми. Ни требаат нови формати на преговорите со Русија, ние мора да го користиме сите формати“, изјави тој.

Габриел, исто така, додаде дека Западот и Русија имаат заедничка одговорност за безбедноста во светот.

Рускиот министер за надворешни работи, Сергеј Лавров, за новинарите изјави за разни опции за состанокот на министрите за надворешни работи на формата Нормандска четворка (Русија, Германија, Франција и Украина), објави РИА.

Претходно планираната дискусија за спогодбата во однос на Донбас нема да се одржи, бидејќи Габриел беше принуден да се врати во Берлин. „Вчера, ние детално разговаравме со украинскиот министер за надворешни работи, Павел Климкин: ако Германците се подготвени, тогаш и ние сме подготвени“, рече Лавров.

Коментари

коментари